გაკვეთილის გეგმები

გაკვეთილის გეგმა

მასწავლებლის სახელი და გვარი: დიმიტრი ტუღუში

საგანი: სპორტი

კლასი: საბაზო, IX -2

მოსწავლეთა რაოდენობა კლასში: 30

გაკვეთილის თემა: ,,კალათბურთი’’

გაკვეთილის მიზანი:  -მოსწავლეები შეისწავლიან კალათბურთის ბურთის ტარების ტექნიკას, მის მანიპულირებას, დაჭერასა და სწორად გადაცემას, განუვითარდებათ გუნდურ თამაშებში მონაწილეობის უნარ-ჩვევა.

ესგ:

·         სპ.VII-IX.4. მოსწავლეს შეუძლია სპორტული აქტივობისას წარმოაჩინოს ყველა ძირითადი და აუცილებელი მოძრაობითი უნარ-ჩვევა.

შედეგი თვალსაჩინოა, თუ მოსწავლე:

  · აქტიური ვარჯიშობით აუმჯობესებს ადრე ათვისებულ ძირითად მოტორულ უნარ-ჩვევებს;

  · მონაწილეობს გუნდურ თამაშებში, როგორც გუნდის სრულუფლებიანი წევრი;

  · დაუფლებულია სპორტის ძირითად სახეობებსა და სპორტულ თამაშებს;

წინარე ცოდნა:   იციან კალათბურთის წესები, ფლობენ ბურთის ტარების ტექნიკას, იციან  ბურთის ტყორცნის ტექნიკა.

გამოყენებული რესურსი: კალათბურთის ფარები, კალათბურთის ბურთები. ინტერნეტი, პროექტორი, ელექტრონული პრეზენტაცია, კომპიუტერი.

გაკვეთილის მსვლელობა 45 წუთი.

N	აქტივობის აღწერა	გამოყენებული მეთოდი/ მეთოდები	კლასის ორგანიზების ფორმები	სასწავლო რესურსი	დრო(წთ)
1	აქტივობა 1 _ საორგანიზაციო საკითხების მოგვარების შემდეგ ვიწყებ წინარე ცოდნის გააქტიურებას. ამისთვის ვახსენებ კლასს თამაშის ძირითად წესებს, ბურთის ტარებასა და ტყორცნას ვაძლევ წამახალისებელ კომენტარებს	ვერბალური ახსნა გონებრივი იერიში	მთელი კლასი საერთო საკლასო მუშაობა	ბურთი	5 წთ.
2.	გაკვეთილის   „A”ფაზა _ გამოწვევა                                       აქტივობა 2 _ მოთელვა-კლასს ვთხოვ დაიწყონ  სიარული დარბაზის ირგვლივ, შემდეგ უფრო ჩქარა სიარულს ვთხოვ მათ და ბოლოს სირბილს დარბაზის ირგვლივ. ვაძლევ წამახალისებელ კომენტარებს.	მოთელვა	საერთო საკლასო მუშაობა	სპორტ დარბაზი, სპორტული ფორმები	7 წთ.
3.	აქტივობა 3  _ ზოგადგანმავითარებელი ვარჯიშები; კლასს ვთხოვ რამდენიმე უკვე ნასწავლი ვარჯიშის ჩატარებას, რომელსაც ასრულებენ ჩემთან ერთად. ვაწვდი განმავითარებელ შეფასებას	ზოგადგანმავითარებელი ვარჯიშების ჩატარება	საერთო საკლასო მუშაობა	სპორტ დარბაზი, სპორტული ფორმები, სასტვენი, სადგარები	5 წთ.
4	გაკვეთილის B ფაზა _ ცოდნის კონსტრუირება აქტივობა 4 ახალი მასალის ახსნა-ვაწვდი ინსტრუქციას ბურთის ტარების, კალათბურთში ბურთის ტყორცნის, მკერდიდან ორი ხელით თავს ზემოთ ბურთის გადაცემისა და ორმხრივი თამაშის შესახებ.	მინი ლექცია	მთელ კლასთან მუშაობა	სპორტ დარბაზი, სპორტული ფორმები, კალათბურთის ფარი და ბურთი	2.წთ.
5	გაკვეთილის C ფაზა _ რეფლექსია აქტივობა 5 _ პრაქტიკული სამუშაო-ვარჯიში ბურთის ტარების , კალათბურთში ბურთის ტყორცნის, მკერდიდან ორი ხელით თავს ზემოთ ბურთის გადაცემისა და ორმხრივი თამაშის შესახებ. ვიყენებ თვითშეფასებისა და ურთიერთშეფასების სქემებს: 1.       როგორ გაართვით თავი მოცემულ დავალებას? 2.       როგორ ფიქრობთ, ვინ კარგად გაიგო ახალი მასალა? 3.       რას გამოასწორებდით შემდეგისთვის?	პრაქტიკული სამუშაო	მთელ კლასთან მუშაობა	სპორტ დარბაზი, სპორტული ფორმები, კალათბურთის ფარი და ბურთი	15 წთ.
6.	აქტივობა 6 _ საშინაო დავალება- მოიძიონ ინფორმაცია ცნობილი ქართველი კალათბურთელების შესახებ		საერთო საკლასო მუშაობა	კომპიუტერი	2 წთ
7	აქტივობა 7 _ შეფასება	თვითშეფასება ურთიერთშეფასება და განმავითარებელი შეფასება		შეფასების რუბრიკები	5 წთ

გაკვეთილის ბოლოს მისაღწევი შედეგები:

·         მოსწავლები გაიგებენ გაკვეთილზე  გასავითარებელი იმ უნარ-ჩვევის შესახებ, რომელიც ხელს შეუწყობს მათი ტექნიკური ელემენტების დახვეწას. მოსწავლეები შეიქმნიან განწყობას გაკვეთილისათვის.

·         მოსწავლები მასწავლებლის მითითებით ახერხებენ ფიზიკური აქტივობის შესრულებას.

·         ისინი ადექვატურად რეაგირებენ მასწავლებლის მითითებებზე მოსწავლები ეუფლებიან აუცილებელ მოძრაობით მოქმედებებს, ეუფლებიან ძირითად ტექნიკურ ელემენტებს.

შეფასების სქემა:

შეფასების რუბრიკა- სპორტი

კრიტერიუმები	დაბალი	საშუალო	მაღალი
ჩართულობა და თანამშრომლობა.	მოსწავლე ცდილობს მონაწილეობა მიიღოს საგაკვეთილო აქტივობებში, მაგრამ ნაკლები ინტენსიობით ითვისებს იმ აუცილებელი მოძრაობით  უნარჩვევბს, რომელებსაც მიზნად ისახავს ეროვნული სასწავლო გეგმით გათვალისწინებული სტანდარტი.	აქტიურობს, მაგრამ აქვს ხარვეზები. არ ცდილობს არსებული ცოდნის გაუმჯობესებას. ნაკლებად თანამშრომლობს მასწავლებელთან და მოსწავლებთან.	მუდამ ჩართულია და აქტიურია. თანამშრომლობს, როგორც თანატოლებთან ისე მასწავლებლებთან. მრავალმხრივია და სპორტული თვალსაზრისით ცდილობს საკუთარი ცოდნის გამოყენებას.
პრაქტიკური მომზადება	უჭირს გუნდურობის პრინციპის დაცვა, ხშირად უშვებს შეცდომებს.	კარგად აქვს გააზრებული გუნდური თამაშის მნიშვნელობა, ზოგჯერ უშვებს შეცდომებს.	გათავისებული აქვს გუნდურობის მნიშვნელობა, შეუძლია ძალების განაწილება თამაშის დროს.
ტექნიკური მომზადება	აკეთებს ვარჯიშს, მაგრამ სანახევროდ, მალევე იქანცება. ბურთის ტარებისას უშვებს შეცდომებს, არ გადადგილდება წესების დაცვით.	ვარჯიშობს კარგად, კარგი მოძრაობით გადადის ვარჯიშიდან ვარჯიშზე. ახერხებს ბურთის ტარებას, თუმცა აქვს ხარვეზები.	შესაბამება გაკვეთილის ფორმას    ძალიან კარგად აკეთებს ვარჯიშებს. ფლობს კალათბურთის ბურთის ტარების ტექნიკის ყველა აუცილებელ  უნარჩვევებს.
ინტელექტუალურ-  ფსიქოლოგიური მომზადება.	უჭირს ქცევის ზოგიერთი ნორმების და წესების დაცვა.	ფლობს ეთიკით გათვალისწინებული სპეციალური ნორმებსა და წესებს, აქვს ხარვეზებიც.	ფლობს ეთიკით გათვალისწინებულ ნორმებსა და წესებს.

ხელმოწერა: დიმიტრი ტუღუში

თარიღი: